Çelsi “Betis”i 4:1 məğlub edərək Konfrans Liqasının qalibi oldu

Polşanın Vrotslav şəhərində Konfrans Liqasının finalı keçirilib, bu, Avropanın üçüncü ən nüfuzlu kubokudur. Final matçında İngiltərənin “Çelsi” komandası İspaniyanın “Betis” klubunu 4:1 hesabı ilə məğlub edib.

Oyun Abde Eksalzuli tərəfindən erkən qol ilə başladı. O, “Betis”in kapitanı İskonun ötürməsini 9-cu dəqiqədə qol ilə tamamladı. İspan komandası demək olar ki, bir saat üstünlüyü saxlayaraq rəqibin hücumlarını əngəlləyirdi.

Lakin matçın taleyini 65-ci dəqiqədən sonra baş verənlər müəyyənləşdirdi. “Çelsi”nin lideri Koul Palmer iki dəfə asist etdi, Enzo Fernandes və Nikolas Cekson London təmsilçisini önə çıxardı. Oyunun sonlarında isə Ceydon Sanço və Moyzes Kaysedo öz qollarını əlavə edərək “Çelsi”nin böyükhesablı qələbəsini təmin etdilər.

“Betis” ilk dəfə Avrokubok finalına çıxdı. Bundan əlavə, 2018/19 mövsümündən sonra ilk dəfə ispan futbolu Avropada titul qazanmadan qaldı, həmçinin 23 ildən sonra ilk dəfə İspaniya klubunun digər ölkə təmsilçisinə qarşı oynadığı final məğlubiyyətlə nəticələndi.

Ulusum.az