Cüdoçularımız Avropa Kubokunun ilk günündə 4 medal qazandılar

Polşanın Poznan şəhərində keçirilən gənclər arasında Avropa Kubokunun ilk günü cüdoçularımızın möhtəşəm çıxışı ilə yadda qaldı.



Komandamız turnirin ilk günü 2 qızıl və 2 bürünc medal qazanaraq böyük uğura imza atdı. -60 kq çəkisində mübarizə aparan



Azərbaycan Cüdo Federasiyasından verilən xəbər görə, Fərid Qarayev və -66 kq çəki dərəcəsində yarışan Məhəmməd Musayev bütün rəqiblərini məğlub edərək fəxri kürsünün zirvəsinə qalxdılar. Digər yandan, Nihad Məmişov (-60 kq) və Əbil Yusubov (-73 kq) bürünc medal qazanaraq əzmkarlıq və döyüşçülük nümunəsi göstərdilər.



Hazırda komandamız 4 medalla ümumi sıralamada birinci yerdə qərarlaşıb. Bu uğur gənc cüdoçularımızın potensialının yüksək olduğunu bir daha sübut edir!