Üsyançılar Suriya kəşfiyyatının generalının öldürüldüyünü elan ediblər

Üsyançılar Suriya kəşfiyyatının generalının öldürüldüyünü elan ediblər.

Suriyadakı üsyançılar Həma əyalətinin hərbi kəşfiyyatının rəhbəri general Uday Qassanın məhv edildiyini elan ediblər.

Hücum PG-7(M) tank əleyhinə döyüş başlığı ilə təchiz edilmiş pilotsuz uçuş aparatı vasitəsilə həyata keçirilib. First Person View (FPV) qabiliyyətinə malik bu tip dron yüksək dəqiqliklə hücumlara imkan verir.

Qassa Hələb və Dəməşqi birləşdirən strateji əhəmiyyətli əyalət olan Həmada kəşfiyyat və hərbi əməliyyatların koordinasiyasında əsas fiqur olub. Onun vəzifələrinə Heyət Təhrir əl-Şam kimi qruplaşmalara qarşı əks-üsyan səylərinə nəzarət etmək və rejimin bölgədəki təhlükəsizlik infrastrukturunu saxlamaq daxildir.

Eltun Məmmədov