Yaddaşın pisləşməsinin gözlənilməz səbəbi açıqlandı

Alimlər yeni araşdırmaya əsaslanaraq bildiriblər ki, adətən əhval stabilləşdirici kimi istifadə olunan litium əslində insan orqanizmində təbii şəkildə mövcud olan və vitaminlər, minerallar kimi hüceyrə funksiyaları üçün vacib olan bir elementdir, — deyə Pravda.ru yazır.

Məqalədə vurğulanır ki, pəhrizdə litium çatışmazlığı iltihabı gücləndirir və beynin qocalmasını sürətləndirir. Alzheimer xəstəliyinə meyilli siçanlarda litiumun azlığı amiloid yığıntılarının daha tez əmələ gəlməsinə, zülalların toplanmasına və yaddaşın pisləşməsinə gətirib çıxarır.

Mütəxəssislərin sözlərinə görə, litiumun əsas mənbələri yarpaqlı tərəvəzlər, həmçinin qoz-fındıq, paxlalılar və zərdəçal, kimyon kimi bəzi ədviyyatlardır. Bundan əlavə, bu maddə bəzi mineral sularda da mövcuddur.

Ulusum.az