Rusiyada usta sifarişi yerinə yetirmədi – müştəri onu döyüb zirzəməyə saldı

Sverdlovsk vilayətinin sakinləri adam oğurluğu işi üzrə məhkəmə qarşısına çıxacaqlar. Bu barədə kp.ru xəbər verir.

İstintaqın versiyasına görə, təqsirləndirilənlərdən biri yerli mebel ustasının onu aldadaraq sifarişi yerinə yetirmək istəmədiyini düşünüb. Narazı müştəri dörd nəfərlə birlikdə ustaya hücum edib və onu döyüb.

Sonra zərərçəkəni bir evin zirzəmisinə apararaq yenidən döyüblər və ondan 300 min rubl tələb ediblər. Bundan başqa, həmin adam onlardan biri üçün pulsuz mebel hazırlamalı idi.



Usta isə fürsətdən istifadə edərək oğruların zirzəmədən çıxmasını gözləyib, sonra qaçaraq polisə müraciət edib.

Şübhəliləri yaxalamaq üçün hüquq-mühafizə orqanları zirzəmidə pusqu qurublar, çünki cinayətkarlar qayıdıb girovu götürməli idilər.

Nəticədə bütün şübhəlilər saxlanılıb. Məlumata görə, onlar əvvəllər məhkum olunmayıblar.

Ulusum.az