Təcili yardım maşınından sui-istifadə edənlər şallaqlanacaq

İranda təcili yardım maşınından sui-istifadənin cəzası: “Şallaq və cərimə”.

Ulusum.az İSNA-ya istinadən xəbər verir ki, iranlı kriminoloq Vəhid Soltani ölkəsində təcili yardım və xilasetmə maşınlarından yaralıların və xəstələrin daşınmasından başqa məqsədlər üçün sui-istifadə edilməsinin cəzasını açıqlayıb.

Onun sözlərinə görə, təcili yardım maşını fövqəladə hallarda yaralıların və xəstələrin tibb mərkəzlərinə daşınmasında istifadə edilməli olan nəqliyyat vasitəsidir.

“Təcili tibbi yardım maşını dövlət işçilərindən birinə həvalə olunarsa və ondan başqa təyinat üzrə sui-istifadə edilərsə, dəymiş ziyanı və cəriməni ödəməkdən əlavə, 74 şallaq zərbəsi də nəzərdə tutulur. Əgər sui-istifadə edən şəxs bundan faydalanıbsa, yuxarıda qeyd olunan cəzadan əlavə, ona qazanc məbləği qədər cərimə də tətbiq olunacaq”, - deyə, kriminoloq əlavə edib.

Eltun Məmmədov