Lənkəranda baş verən qəza ilə bağlı AÇIQLAMA

Lənkəranda baş verən qəza ilə bağlı Lənkəran rayon mərkəzi xəstəxanasının ictimaiyyətlə əlaqələr üzrə mütəxəssisi Zamin Rzayev Ulusum.az-a açıqlama verib.

O bildirib ki, 04.06.2024-cü il tarixində saat 02:25 radələrində Lənkəran-Boradigah yolunun Girdəni kəndi ərazisində keçən hissəsində baş verən ağır yol/nəqliyyat hadisəsi nəticəsində 2 nəfər (kişi cinsli) şəxs "travmatik şok, baldır sümüklərinin çoxsaylı sınığı, başın, döş qəfəsinin və qarın boşluğunun qapalı travması" diaqnozu ilə Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunublar.

Yaralılara zəruri ilkin tibbi yardım olunub. Xəsarət alanlardan biri vəziyyətinə uyğun olaraq Reanimasiya şöbəsində köçürülüb, lakin həyatını xilas etmək mümkün olmayıb. Digər yaralının müalivəsi Cərrahiyyə şöbəsində davam etdirilir.

Xatırladaq ki, Lənkəranda ili piyadanın vurulması ilə nəticələnən yol qəzası baş verib.
Eltun Məmmədov