Kondisioneri işlək vəziyyətdə qoyub yatmayın!

Trakya Universiteti Tibb Fakültəsi Fiziologiya kafedrasının müdiri Prof. Dr. Levent Öztürk işləyən kondisionerlə yatmağın bir çox sağlamlıq problemlərinə səbəb ola biləcəyi barədə xəbərdarlıq edib.

Ulusum.az xarici KİV-ə istinadən bildirir ki, hava istiliyi mövsüm normalarını aşdığı zaman bu, yuxu rejimimizə mənfi təsir edir.

Çünki ideal yuxu mühitinin temperaturu 19-22 dərəcə arasında olmalıdır. 19 dərəcədən soyuq, 22 dərəcədən daha isti olduqda yuxu keyfiyyəti təsirlənir" deyə qeyd olunur.
İstidən qorunmaq və sərinləmək üçün kondisionerdən istifadənin geniş yayıldığına diqqət çəkən mütəxəssislər kondisionerdən düzgün istifadə edilməsinin vacib olduğunu bildirirlər.
Qeyd edilir ki, yataq otaqlarına yerləşdirilən kondisionerlərin 16-17 dərəcə deyil, ən aşağı səviyyədə, 20 dərəcə civarında işləməsi yuxu sağlamlığı üçün daha uyğun olardı.

Həmçinin təmizlənməmiş kondisioner filtrlərindən mikrobların tutulma riskinin olduğu vurğulanır. Həddindən artıq soyuqluğun təsiri ilə yoluxucu xəstəliklər də yarana bilər. Hərəkət sistemi ilə bağlı pozğunluqlar, əzələ krampları, boyun və soyuyan əzələ qruplarında çiyin tutulması meydana gələ bilər, boğazda soyuqluq və ya daha ağır vəziyyətlərdə pnevmoniyaya səbəb ola bilər.

Bəs isti günlərdə kondisionerlə necə davranmalı?

Yatmazdan əvvəl bir müddət kondisioneri yandıraraq otağı sərinlətmək, daha sonra söndürdükdən sonra yatmaq tövsiyə olunur.
Aymirə Ağamirova