Uşaqlar Günündə ən böyük hədiyyə....

Bu gün bütün diqqətlər uşaqlar gününə yönəlib. Çünki bu gün məhz onların günüdür.

Paytaxtda və bəzi rayonlarda parklar ödənişsiz olaraq uşaqların üzünə açılır.

Təşkil olunan tədbirlərdə dövlət atributlarına daha çox rast gəlinir ki, bu da sevindirici haldır. Onlar bizm gələcəyimizdir, fidan balaların vətənpərvər ruhda böyüməsi təqdirəlayiq haldır.

Dahlərdən biri deyirdi: İnsana yalnız uşaqlıq arzularının həyata keçməsi xoşbəxtlik gətirə bilər. Bu həqiqətən də elədir. Valideynlər övladı üçün çakışır, onların xoşbəxtliyi, üzündəki təbəssüm, qarşılaya bildiyi ehtiyacıdır onun həyat stimulu.

Lakin bir valideyn üçün övladına verəcəyi ən dəyərli hədiyyə düzgün tərbiyədir.

Hazırda informasiya bolluğu dövründə, xüsusilə internetin cəmiyyətə bəxş etdiyi azadlıq içərisində azyaşlıların tərbiyəsi, davranışında yarana biləcək büdrəmələr onun gələcək fəaliyyətinə mənfi təsir göstərə bilər.

Təəssüflər olsun ki, kriminal aləmin getdikcə miqyası genişlənir. Cinayətlər, xüsusilə azyaşlıların iştirakı ilə, yaxud uşaqların qurbana çevrildiyi qətllər.... Hazırki şəraitdə onlar üçün ən gözəl bayram hədiyyəsi onların diqqət və qayğı ilə əhatə olunması olar.

Bu gün sadəcə "Uşaqlar Günü", "Uşaqlar Bayramı" deyil, deyib, gülüb əylənmək, bunlar yetərli deyil, "Beynəlxalq Uşaqların Müdafiəsi Günüdür".

Bəli, uşaqlar ərsəyə gələnə qədər onlar qorunmalı, müdafiə olunmalıdır. Bunun üçün hər kəs - valideynlərdən tutmuş, təhsil işçilərinə kimi hamı üzərinə düşən öhdəliyi dərk etməli, uşaqla uşaq kimi davranmalı, onların yanında etdikləri söhbətlərə, izlədikləri filmlərə, TV proqramlarına kimi - hər addımlarına diqqət etməyə borcludurlar.

Unutmayaq ki, böyüklərin hər bir hərəkəti, səsləndirdiyi fikir beyni "ağ kağız" olan fidan balalar üçün "Quran ayəsi"dir.

Uşaqların sülh şəraitində, sivil cəmiyyətdə böyüyüb boya-başa çatmaları diləyi ilə bayramınız mübarək!

Aymirə Ağamirova