"Turan Tovuz"da daha bir ayrılıq

"Turan Tovuz"dan növbəti ayrılıq xəbəri gəldi.

Tərlan Əhmədlinin "Araz Naxçıvan"a, Aydın Bayramovun "Zirə"yə gedişi, Şəhriyar Əliyevin isə yolüstündə olmasının ardından bu dəfə isə kapitan "gəmi"ni tərk edib.

Belə ki, komandanın yeganə tovuzlu oyunçusu Kamal Bayramov da ayrılır.

Rəsmilər futbolçular arasında böyük nüfuzu olan qolkiperin hələ də düşərgədə qalmasında maraqlı olsa da, Bayramov ayrılmaq qərarı verib.

Maraq üçün bildirək ki, 38 yaşlı qapıçı 9 ildən sonra Premyer Liqaya qayıdan Qərb təmsilçisinin ilk transferi kimi yadda qalmışdı.