Ramin Musayev: “AFFA-dan zəng gəldi ki, onu işdən çıxarın” Eksklüziv

"Tərlan Əhmədovu gətirin milli komandaya, nəticə verməsə ölkəni tərk edəcəm".

Ulusum.az xəbər verir ki, bu sözləri Peşəkar Futbol Liqasının eks-prezidenti Ramin Musayev ARB TV-yə müsahibəsində deyib:

“Bu gün milli komandaya yerli mütəxəssis lazımdır. Tərlan Əhmədovu gətirin milli komandaya görün nece işləyir. Əgər nəticə verməsə ölkəni tərk edərəm. Ancaq bir şərtlə, ona mane olmasınlar. Tərlan Əhmədov işlədiyi bütün yerlərdə uğurlu nəticə verib. Hətta o vaxt Tərlan "Neftçi"yə baş məşqçi təyin olunanda mən zəmanət verdim. Sonda nəticə əldə edərək"Neftçi" Avrokuboklara vəsiqə qazandı, amma Əhmədovu işdən çıxardılar. Səbəb də aydın idi, AFFA-dan zəng gəldi ki, Tərlanı işdən çıxarın, çünki Ramin Musayevin adamıdır”.

Qeyd edək ki, Ramin Musayev 2008-2022-ci illərdə PFL prezidenti olub.

Ağa Dadaşzadə