Ən ləzzətli marinadlı pomidorun hazırlanma qaydası

Yayın ən sevilən qəlyanaltılarından biri də marinadlı pomidordur. Sadə görünməsinə baxmayaraq, dadı və ətri ilə süfrənin ulduzuna çevrilir.

Əsas sirr isə düzgün seçilmiş pomidor, balanslı marinad və bir az səbrdir.

🔑 Əsas sirr – balanslı marinad və düzgün vaxt:

✔️ Pomidor seçimi – ətli, möhkəm və yetişmiş, amma yumşaq olmayan pomidorlardan istifadə edin.

✔️ Marinad balansı – duz, şəkər, sirkə və ədviyyatın nisbəti dadı formalaşdırır: nə turş çox, nə də şirin basqın olmalıdır.

✔️ Ədviyyatlar – sarımsaq, şüyüd, cəfəri, dəfnə yarpağı və ətirli istiot pomidorların dadını açır.

✔️ İlıq marinad – qaynadıb soyudulmuş ədviyyatlı qarışığı pomidorların üzərinə isti yox, ilıq halda tökmək vacibdir.

✔️ Vaxt – ən azı 6 saat soyuducuda saxlayın, ən yaxşısı isə bir gecə. Bu müddətdə pomidor həm ətirini çəkir, həm də diri qalır.

🔻 İngrediyentlər (1 kq pomidor üçün):

Pomidor – 1 kq (ətirli, ətli, yetişmiş)

Sarımsaq – 1 baş

Göyərti: təzə cəfəri və şüyüd – 1 dəstə

Acı bibər (istəyə görə) – ½ ədəd

Rafinadlanmış yağ – 100 ml

Sirkə (9%) – 70 ml

Su – 50 ml

Qalın duz – 1 x.q. (slaydlı)

Şəkər – 2 x.q.

Dəfnə yarpağı – 2 ədəd

Ətirli istiot – 5–7 ədəd

🔻 Hazırlanma qaydası:

Pomidorları yuyub qurulayın, saplağını təmizləyin. Hərini uzununa 4–6 dilim kəsin. Enli emallı və ya şüşə qaba fan formasında düzün.

Sarımsağı əzin, göyərtiləri xırda doğrayın, acı bibəri (istəsəniz) toxumdan təmizləyib xırda doğrayın.

Kiçik qazana yağ, sirkə, su, duz, şəkər, dəfnə yarpağı və istiot dənələri tökün. Qarışdıraraq qaynadın, duz-şəkər tam həll olunanda oddan götürün. İlıqlaşana qədər soyudun.

Sarımsaq-yaşıllıq qarışığını pomidorların üzərinə səpin. İlıq marinadı üzərindən tökün, qabı yüngülcə silkələyin (qarışdırmayın).

Qapaq və ya plyonka ilə örtün, 2 saat otaq temperaturunda saxlayın. Sonra ən azı 6 saat soyuducuda, yaxşısı – gecəlik saxlayın.

Səhəri gün dilimləri ehtiyatla servis qabına düzün – həm şirəli, həm də diri qalmış, ətirli və iştahaaçan marinadlı pomidorlar hazırdır!

Ulusum.az