Kartla ödənişdən imtina edən obyekt sahibləri üçün SƏRT CƏZALAR - EKSKLÜZİV

Hələ də POS-terminallardan imtina edən obyekt sahiblərinə rast gəlirik.

Hətta şəhərin mərkəzində kartla ödəniş etmək istəyən zaman "ancaq kartdan karta var bizdə" sözlərinə rast gəlirik.

Ulusum.az xəbər verir ki, təmassız ödənişdən imtina edən obyekt sahiblərinə qarşı sərt tədbirlər görüləcək.

Mövzu ilə bağlı Dövlət Vergi Xidmətinin rəis müavini Samirə Musayevaya sual ünvanladıq. S. Musayeva saytımıza açıqlamasında Dövlət Vergi Xidmətinin üzərinə düşən işi yerinə yetirdiyini bildirdi:

“Nağdsız ödənişdən imtina edən obyekt sahiblərindən xəbərdarıq. Aşkar olunduqda tərəfimizdən tədbirlər görülür. Ümumi olaraq fəaliyyətimizdə bununla bağlı ciddi işlər görürük. Nəzarət hər zaman var, qanunla müəyyən qaydalara riayət etməyən bütün obyekt sahibləri maliyyə sanksiyalarına məruz qalacaqlar”.

Ağa Dadaşzadə