Azərbaycan Milli Konservatoriyasında görüş KEÇİRİLDİ - FOTO Eksklüziv

Bu gün Azərbaycan Milli Konservatoriyasında görüş keçirildi.

Ulusum.az-ın özəl məlumatına əsasən, Azərbaycan Milli Konservatoriyasının rektoru, Xalq artisti, professor Siyavuş Kərimi ilə keçirilən görüşdə hər iki türk xalqı arasında incəsənətin bir-birinə inteqrasiyası, tarixi Kərkük musiqilərinin musiqiçilərimizin ifasında geniş yer tutmasının ilk türk xalqı üçün vacibliyindən söz açılıb.
Həmçinin mayın 20-də baş tutacaq Azərbaycan Respublikası Elm və Təhsil Nazirliyi, Azərbaycan Milli Konservatoriyası və Kərkük Kültür Dərnəyi arasında keçiriləcək konfrans və konsertin detalları danışıldı.

Sonda Dərnəyin başkanı yazıçı-jurnalist Şəmsəddin Küzəçi konservatoriyanın rektoruna "Azərbaycan sevdalısı" adlı Azərbaycan-Türkmən mədəni əlaqələrinin inkişafındakı xidmətlərinin əks olunduğu kitabını və Türkmən-Azərbaycan əlaqələrindən bəhs edən məqalələr toplusunu bağışlayıb.

Görüşdə iştirak edən tanınmış musiqişünas-pedaqoq, Azərbaycan Respublikasının əməkdar incəsənət xadimi, Azərbaycan Milli Konservatoriyasının professoru, konservatoriyanın elmi işlər üzrə prorektoru Lalə Hüseynova konfransın işinə uğurlar arzulayıb.

Lalə Hüseynova görüş çərçivəsində müəllifi olduğu "Türk xalqlarının musiqisi" adlı kitabını hədiyyə edib.

Qeyd edək ki, Kərkük Kültür Dərnəyinin Azərbaycan üzrə rəsmi təmsilçisi Azərbaycan Media İnkişaf Mərkəzinin rəhbəri, AYB-nin üzvü, fəxri Prezident təqaüdçüsü, yazıçı-publisist Rübabə Sahibdir.