"Spiker Amerikanı Ukraynadan üstün TUTMALIDIR" FOTOLAR - EKSKLÜZİV

"Co Bayden vəzifəyə gələndən bəri təxminən 11 milyon qeyri-qanuni əcnəbi cənub sərhədimizi keçib. Həmin qanun pozucularının çoxu Arizona ştatının müxtəlif bölgələrinə axışaraq şiddətli cinayətlər, ölümcül narkotiklər, insan alveri kimi mənfi halları bölgəyə gətirir və ABŞ vətəndaşları üçün nəzərdə tutulmuş resursları və yardımları tükəndirirlər".

Ulusum.az saytının ABŞ Bürosu xəbər verir ki, bu sözləri ABŞ Konqresinin Nümayəndələr Palatasının Respublikaçı üzvü Pol Qosar deyib.

O, Mayk Consonun istefası ilə bağlı təşəbbüsün Nümayəndələr Palatası tərəfindən rədd edilməsinə dair bəyanat verib.
Həmin bəyanatda deyilir:
"Spiker əvvəllər deyirdi ki, Amerikanın sərhəd böhranı ölmək üçün bir pik nöqtəsidir və mən artıq bununla razılaşa bilmərəm. Bununla belə, Konqres ABŞ-ın əvvəllər heç vaxt baş verməməli olan müharibəyə sərf etdiyi 150 milyard dollardan əlavə, Ukraynaya 60 milyard dollar göndərməklə sərhədin işğalına şərait yaratdı. Mən davamlı olaraq Rusiya və Ukrayna arasında sülhə çağırıram, daha çox qan tökülməsinin və insanların həlak olmasının əleyhinəyəm".

Pol Qosar bildirir ki, sərhədlər qorunmadığı halda, Amerika Ukraynaya milyardlarla dollar göndərməyə davam edə bilməz.

"Dəfələrlə deyirik ki, güvən vacib şərtlərdən biridir. Spiker, Konqres və Amerika xalqı arasında etimadı bərpa etməyin vaxtıdır. Mən spiker Consona bildirirəm ki, hazırki şəraitdə Amerikanın sərhədlərində təhlükəsizliyin qorunmasına Ukraynadan artıq diqqət edilməlidir,” - deyə bəyanatda qeyd olunur.

Xatırladaq ki, Merkuri Teylor Qrin mayın 2-də Mayk Consonun istefası ilə bağlı səsverməyə başlamaq niyyətində olduğunu açıqlayıb. O, hesab edir ki, Nümayəndələr Palatasının hazırkı sədri Konqresə Ukraynaya yardım haqqında qanun layihəsini qəbul etməyə icazə verməklə mühafizəkarlara xəyanət edib. Respublikaçılar partiyasının üzvləri isə Consonu vəzifəsindən kənarlaşdırmaq niyyətini dəstəkləməyiblər.
MÜNƏVVƏR VAHABOVA
Ulusum.az ABŞ Bürosu