ABŞ və Ukrayna nadir metal razılaşmasını imzalayır?

ABŞ çərşənbə günü, aprelin 30-da, Ukrayna ilə faydalı qazıntılar üzrə sazişin imzalanacağını elan etməyi planlaşdırır. Bu barədə TASS agentliyi mənbələrə istinadən məlumat yayıb.

Aprelin 30-da Financial Times qəzeti yazıb ki, Ukrayna ilə ABŞ arasında resurslarla bağlı razılaşma üzrə danışıqlar hələ başa çatmayıb. Bildirilib ki, keçən həftəsonu Kiyev sazişin şərtlərini yenidən nəzərdən keçirməyə cəhd edib.

Aprelin 25-də ABŞ Prezidenti Donald Tramp Ukrayna Prezidenti Vladimir Zelenskini nadir torpaq elementləri üzrə razılaşmanı hələ də imzalamadığına görə tənqid edib. Onun sözlərinə görə, “son sənədlərin” imzalanmasında gecikmə artıq ən azı üç həftədir davam edir. Bu səbəbdən amerikalı lider ümid etdiyini bildirib ki, Kiyev və Vaşinqton arasında bu saziş dərhal bağlanacaq.

✍️"Ulusum".az