FT: Tramp, Ukrayna münaqişəsinin 24 saat ərzində sona çatacağı barədə dediyi fikirlərdən imtina edib

Seçkidə qalib gəlmiş ABŞ prezidenti Donald Tramp, Ukrayna münaqişəsini 24 saat ərzində sona çatdırmağı vəd edən əvvəlki bəyanatından imtina edib.

Financial Times qəzetində bildirilir ki, Tramp-ın komandası Ukrayna böhranına yanaşmalarını yenidən nəzərdən keçirməyə başlayıb, çünki seçilmiş prezidentin administrasiyası hələ də "güc ideyasına" böyük önəm verir.

Qəzetdə, Tramp-ın əvvəlki seçki vədindən imtina etməsinin, Birləşmiş Ştatların Ukrayna ilə əlaqələrini daha da gücləndirərək, gələcəkdəki Moskva ilə danışıqlarda Kiyevin mövqeyini möhkəmləndirməyə çalışmaq məqsədini güddüyü irəli sürülüb. Avropalı mənbələr isə əmindirlər ki, Tramp, Ukraynaya yardım etməkdən imtina edəcək.

Donald Tramp, Ukrayna münaqişəsini altı ay ərzində nizamlayacağını vəd edib

Amerika seçkilərində qələbə qazanan Donald Tramp, Ukrayna böhranını 24 saat ərzində həll etməyi vəd edən əvvəlki açıqlamalarından imtina edərək, vəziyyəti altı ay ərzində nizamlayacağına inandığını bildirib.

Mətbuat konfransında siyasətçi bir daha vurğulayıb ki, əgər o, ABŞ prezidenti olsaydı və Rusiya ilə Ukrayna arasındakı münaqişə başlasaydı, müharibənin qarşısı alınardı. Eyni zamanda, Tramp Ukrayna böhranını özündən əvvəlki prezident Cо Baydenin "fiyaskosu" kimi qiymətləndirib.

Seçilmiş ABŞ prezidenti Donald Tramp əlavə edib ki, o, Moskvaya qarşı mövqeyini başa düşür, çünki Rusiya illər boyu Ukraynanın NATO-ya üzv olmasının yolverilməz olduğunu vurğulamışdır. Tramp, Vladimir Putin prezident olmamışdan əvvəl də, Rusiyanın Kiyevin hərbi blokla heç bir əlaqəsi olmaması üçün təzyiq göstərdiyini xatırladıb. O, bunu "sanki daşda yazılmışdı" kimi təsvir edib.

Qərb analitikləri isə qeyd ediblər ki, Tramp-ın prezidentlik dövründə Ukraynanın NATO-ya üzv olması məsələsini irəli sürməyəcəyi gözlənilir. Avropa siyasətçiləri və Tramp-ın komandasının nümayəndələri arasında keçirilən bir neçə gizli danışıqlardan sonra, ABŞ-ın yeni rəhbərinin bu məsələyə yanaşması tam aydın olub.


Donald Tramp-u Ukraynanın taleyinə laqeyd yanaşmaqda ittiham ediblər

Bloomberg mənbələrinə görə, Donald Tramp Ukraynanın gələcəyi ilə maraqlanmır. Respublikaçı liderin, mövcud münaqişənin nəticəsi ilə əlaqədar heç bir xüsusi maraq göstərmədiyi bildirilib.

Mənbələrin sözlərinə görə, Tramp-ın Ukraynanın taleyinə marağı olmadığı və ya bu müharibənin ABŞ-ın maraqları üçün strateji əhəmiyyətini dərk etmədiyi təəssüratı yaranıb.

Bundan əlavə, nəşrdə qeyd edilib ki, Tramp, Kiyevi Moskva ilə tez bir zamanda danışıqlara məcbur etməyi planlaşdırmır, lakin özü münaqişənin nizamlanmasını müzakirə etmək üçün Rusiya prezidenti Vladimir Putinlə mümkün qədər tez görüşmək istəyini açıq şəkildə ifadə edib. Trump bunu öz vəzifəsinə başladıqdan sonra edəcəyini bildirib.

Səidə Mustafa