Tramp Ukraynanın taleyini proqnozlaşdırıb

“Ulusum”.az xəbər verir ki, ABŞ-ın prezidenti Donald Tramp Fox News müsahibəsində Ukraynanın "bir gün" Rusiyanın tərkibinə daxil ola biləcəyini bildirib. Onun sözlərinə görə, məhz bu səbəbdən Kiyev ABŞ-ın yatırımlarını qorumağa və alınan maliyyəni mümkün qədər tez qaytarmağa borcludur.

"Onların nadir torpaq metalları, neft və qaz kimi böyük sərvətləri var. Mən istəyirəm ki, bizim pullarımız təhlükəsiz olsun," — deyə Tramp vurğulayıb.

Tramp qeyd edib ki, Vaşinqton Ukraynaya yüz milyardlarla dollar xərcləyir və ABŞ bu pulları itirmək riskini qəbul edə bilməz.

"Mümkündür ki, Ukrayna nə vaxtsa Rusiyanın bir hissəsi olsun. Amma bəlkə də olmasın," — deyə əlavə edib.

Tramp Kiyevin artıq ABŞ-ın borclusu olduğunu xatırladaraq, alınan vəsaitin geri qaytarılmasının vacib olduğunu bildirib. "Mən o pulları istəyirəm, və yaxşı olar ki, bu tez baş versin," — deyə vurğulayıb.

Səidə