ABŞ lideri Qrenlandiya üzərində nəzarət əldə edəcəyinə əmin olduğunu bildirib

Amerika Birləşmiş Ştatlarının prezidenti Donald Tramp Las-Veqasdakı mətbuat konfransında Qrenlandiya üzərində nəzarət əldə edəcəyinə əmin olduğunu bildirib. O, həmçinin adanın sakinlərinin ABŞ-a qoşulmaq istədiklərinə inandığını vurğulayıb. Çıxışın yayımlanması C-SPAN televiziya kanalında baş tutub, “Ulusum”.az xəbər verir.

"İnanıram ki, biz Qrenlandiya məsələsini həll edəcəyik. Məncə, biz onu əldə edəcəyik", — Tramp qeyd edib.

Prezident vəzifəsinə başlamazdan əvvəl Tramp dəfələrlə bildirib ki, Danimarkaya məxsus olan Qrenlandiya ABŞ-ın tərkibinə qatılmalıdır. Onun fikrincə, bu ada milli təhlükəsizlik və "azad dünyanı" müdafiə etmək baxımından strateji əhəmiyyət kəsb edir. Lakin o, ərazinin nəzarətə alınması üçün hərbi güc tətbiq etməyəcəyinə zəmanət verməkdən imtina edib.

Səidə