Londonda 14 yaşlı uşaq avtobusda bıçaqlanaraq öldürülüb

Londonda Metropolitan Polisinin hadisə ilə bağlı verdiyi açıqlamaya görə, yerli vaxtla 14:28-də Woolwich bölgəsində avtobusda baş verən bıçaqlanma hadisəsi barədə məlumat daxil olub.

“The Sun” qəzetinin əldə etdiyi məlumata görə, polis qrupları və London Təcili Yardım Xidməti tərəfindən hadisə yerinə baxış keçirilib.

Tibb işçiləri bıçaq yarası almış 14 yaşlı uşağa hadisə yerində müdaxilə ediblər, lakin yaralı uşaq tibbi yardım qruplarının gəlməsindən qısa müddət sonra həyatını itirib.

Polis, avtobusda baş verən ölümcül bıçaqlanma hadisəsindən sonra araşdırmalara başladığını açıqlayıb. Hadisə yerində geniş təhlükəsizlik tədbirləri görülüb, əraziyə polis kordonu çəkilib və bəzi yollar nəqliyyata bağlanıb.

Hazırda polis, heç bir saxlanma halının olmadığını bildirib.

Səidə Mustafa