20 gəmidən 70-ə – Tunberqin flotiliya planı

İsveçli ekoaktivist Qreta Tunberqin rəhbərlik etdiyi gəmilər flotiliyasının Qəzza sektorunun blokadasını yarmaq məqsədilə İspaniyadan yola çıxdığı bildirilib. Bu barədə Associated Press (AP) məlumat verib.

Avqustun 31-də gəmilər Barselona limanından çıxaraq humanitar yardım və aktivistlərlə birlikdə Qəzzaya tərəf istiqamət götürüblər. Flotiliya bölgəyə ərzaq, su və dərman çatdırmağı planlaşdırır. Aktivistlər təhlükəsiz keçid və humanitar dəniz dəhlizinin açılmasını tələb edirlər. Hazırda flotiliyaya təxminən 20 gəmi daxildir, lakin səfərin son mərhələsində onların sayı 70-ə yaxın olacaq.

Materialda qeyd olunur ki, Barselonada minlərlə insan aktivistləri yola salıb.

Sentyabrın 1-də İsrailin milli təhlükəsizlik naziri İtamar Ben-Qvir bildirib ki, əgər Tunberq Qəzza blokadasını yarmağa cəhd etsə, onu terrorçular üçün nəzərdə tutulmuş həbsxanaya salmaq lazımdır.

Ulusum.az