HƏMAS bütün girovları azad etməyə hazır olduğunu bəyan edib

Fələstin təşkilatı HƏMAS Qəzza zolağında münaqişənin hərtərəfli həlli və bütün israilli girovların azad olunması üçün danışıqlara başlamağa hazırdır. Bu barədə BƏƏ-nin The National nəşri mənbələrə istinadla xəbər verir.

Məlumata görə, gələcək razılaşma layihəsi İsraillə Qətər, Misir və ABŞ-dan olan vasitəçilər arasında müzakirə olunur.

HƏMAS Qəzzada müharibəyə son qoyacaq və saxlanılan bütün girovların azad olunmasını nəzərdə tutan hərtərəfli razılaşma üçün danışıqlara açıqdır. Layihə İsraillə ABŞ, eləcə də Qətər və Misirdən olan vasitəçilər arasında müzakirə olunur, – deyə məlumatda bildirilir.

Jurnalistlər qeyd edirlər ki, danışıqlar həm məsafədən, həm də Qahirə və Dohada keçirilən birbaşa görüşlərdə aparılır. Lakin mənbələr danışıqların detalları barədə məlumat verməyiblər. Bildirilib ki, razılaşma təklif olunan 60 günlük atəşkəs dövründə yekunlaşdırıla bilər.

Ulusum.az