Tərəflər Qətər danışıqlarında Qəzza zolağında atəşkəs əldə etməyə çalışırlar

Tərəflər Qətər danışıqlarında Qəzza zolağında atəşkəs əldə etməyə çalışırlar, çünki həlak olanların sayı 40 mini keçib.

Qəzza zolağında atəşkəs üzrə danışıqların yeni raundu cümə axşamı Qətərin paytaxtı Dohada başlayıb.

Rəsmilər İsrailin kəşfiyyat rəhbərinin ABŞ nümayəndəsi ilə birgə danışıqlara qatıldığını bildiriblər.

Qətərin baş naziri misirli həmkarı ilə qapalı görüş keçirib.

Qəzza bölgəsinin səhiyyə rəsmiləri bölgədə 10 aydan çox davam edən döyüşlərdən sonra ölənlərin sayının 40 min nəfəri keçdiyini bildiriblər.

Qeyd edək ki, Qəzzada qan tökülməsinə son qoymaq, 115 israilli və əcnəbi girovu evlərinə qaytarmaq üçün aparılan danışıqlar iyulun 31-də Tehranda HƏMAS lideri İsmayıl Həniyənin öldürülməsindən sonra İranın İsrailə qarşı qisas almağa hazırlaşdığı bir vaxtda təşkil olunub.

Eltun Məmmədov