Ailələr niyə uşaq istəmir - BMT səbəb AÇIQLADI

BMT-nin Əhali Fondu (UNFPA) tərəfindən yayımlanan yeni hesabatda qlobal doğum səviyyəsinin azalmasının əsas səbəbinin insanların fərdi seçimləri deyil, iqtisadi və sosial maneələr olduğu vurğulanır.

14 ölkədə aparılan sorğuda iştirak edənlərin 20%-i istədikləri sayda uşağa sahib ola bilmədiklərini bildiriblər. Əsas maneələr kimi maliyyə çətinlikləri (39%), işsizlik (21%), mənzil problemləri (19%), sağlamlıq məsələləri və uyğun partnyor çatışmazlığı qeyd olunub.

Hesabatda həmçinin, bəzi qadınların sosial təzyiqlər səbəbindən istəmədikləri halda ana olduqları, digərlərinin isə reproduktiv sağlamlıq xidmətlərinə çıxış imkanlarının məhdudluğu səbəbindən istədikləri sayda uşağa sahib ola bilmədikləri qeyd edilib.

UNFPA, doğum səviyyəsini artırmaq üçün tətbiq olunan məcburi və ya maliyyə təşviqlərinin effektiv olmadığını və qadınların hüquqlarını poza biləcəyini bildirərək, gender bərabərliyi, ailə və iş həyatının uyğunlaşdırılması və reproduktiv sağlamlıq xidmətlərinə bərabər çıxışın təmin edilməsinin vacibliyini vurğulayır.

Ulusum.az