Tramp amerikalıları tariflərlə bağlı panikaya düşməməyə çağırıb

“Ulusum”.az İnterfaks.ru-a istnadən xəbər verir ki, ABŞ Prezidenti Donald Tramp bazar ertəsi günü amerikalılara sakit olmalarını və ölkələrinin böyük olacağına dair vəd verdi.

"Zəif olmayın. Axmaq olmayın" - Tramp Truth Social sosial şəbəkəsində yazıb.

"Güclü, cəsarətli və səbirli olun. Nəticə böyük olacaq," - Amerikanın lideri əlavə edib.

Onun sözləri, ABŞ fond bazarının COVID-19 pandemiyasının başlanmasından bəri ən pis həftəsini yaşadığı və fond indekslərinin keçən ilin may ayından bəri ən aşağı səviyyəyə düşdüyü bir dövrə təsadüf etdi.

Aprelin 2-də Tramp ABŞ-ın xarici ticarət tərəfdaşlarına qarşı “qarşılıqlı” rüsumların tətbiqi barədə məlumat verib (siyahıya ümumilikdə 185 ölkə daxil edilib). Rüsumların minimum baza səviyyəsi 10% təşkil edəcək, lakin bir sıra ölkələr üçün rüsumlar ABŞ-ın bu ölkələrlə ticarət kəsirindən asılı olaraq fərdi qaydada hesablanır. Məsələn, Çin üçün rüsumlar 34%, Aİ üçün 20% olacaq.

Ötən həftə sonu milyonlarla insan ABŞ-da Trampın siyasətinə və Hökumətin Səmərəliliyi Departamentinin rəhbəri İlon Maska qarşı etiraz aksiyası keçirib.