Avropa və ABŞ-da Trampın siyasətinə qarşı etirazlar keçirilir

Böyük Avropa şəhərlərində yüzlərlə insan ABŞ prezidenti Donald Trampın administrasiyasının siyasətinə qarşı etirazlarını bildirmək üçün mitinqlərə çıxıb.

“Ulusum”.az-ın "İnterfaks" agentliyinə istinadən verdiyi məlumata görə, bu barədə The Guardian xəbər yayıb.

Berlinin mərkəzində etirazçılar Tesla-nın sərgi zalı və ABŞ səfirliyi qarşısında toplaşıb, Tramp və Tesla-nın baş direktoru, həmçinin Dövlət Effektivliyi Departamentinin rəhbəri (DOGE) Elon Musk-a qarşı etirazlarını bildiriblər. Bəzi iştirakçılar "ABŞ-da xaosa son qoyun" yazılmış plakatlar tuturdular. Parisdə etirazçılar Respublika Meydanında toplaşıb və "Tiranla müqavimət", "Hüququn aliliyi", "Feministlər azadlıq üçün, faşizm üçün yox" və "Demokrasiyanı xilas edin" şüarları ilə plakatlar nümayiş etdiriblər.

Mitinqlər həmçinin Lissabon, Frankfurt və Londonda da keçirilib.