Kobaxidze Aİ səfirini zorakılığa ortaq olmaqda suçlayıb

Gürcüstanın baş naziri İrakli Kobaxidze, Avropa İttifaqının səfiri Pavel Gerçinskiyi son aylarda ölkədə baş verən zorakılığa ortaq olmaqda suçlayıb.

"Bu şəxs Gürcüstanda zorakı etirazları heç vaxt qınamayıb, buna əsasən o da zorakılığa ortaqdır", - deyə Kobaxidze çərşənbə axşamı jurnalistlərə bildirib, “Ulusum”.az xəbər verir.

O, həmçinin ötən ilin oktyabrında keçirilən parlament seçkilərindən bir neçə gün əvvəl Gerçinskini Gürcüstan seçicilərini "Gürcü Arzusu" hakimiyyətinə qarşı səs verməyə açıq şəkildə çağırdığını qeyd edib.

"O, o zaman xüsusilə bildirmişdi ki, mövcud hakimiyyətin səyləri ilə Gürcüstanın Avropa inteqrasiyası prosesi dayandırılıb, buna görə də seçicilərin maksimum mobilizasiyası lazımdır. Bu, seçkilərdə "Gürcü Arzusu"na qarşı səs verməyə çağıran birbaşa çağırış idi. Səfir radikal müxalifətin təbliğatına cəlb olunmuşdu", - deyə Kobaxidze vurğulayıb.

Səidə