Çilidə meşə yanğınları: 21 nəfər həlak oldu

Ulusum.az xəbər verir ki, Associated Press-in məlumatına görə, Çilinin cənub-mərkəzi bölgələrində baş verən meşə yanğınları nəticəsində ən azı 21 nəfər həyatını itirib, yüzlərlə insan yaralanıb. Rəsmi məlumata əsasən, 45 700 hektar ərazi yanıb, 2359 ev dağılıb, 305 nəfər xəsarət alıb.

Yanğınsöndürən briqadalar həm alovlarla, həm də hücumlar və mülki dronların yaratdığı təhlükələrlə mübarizə aparır. Prezident Qabriel Boriç yanğınsöndürənlərə qarşı hər cür zorakılığı qəbuledilməz adlandırıb.

Hadisə ilə bağlı ölkədə iki günlük milli matəm elan edilib. Çiliyə bir neçə ölkədən beynəlxalq yardım göndərilib.