Avropa öz müdafiə planını hazırlamağa “tələsir”

Avropa İttifaqı ölkələri regionun müdafiəsi üçün plan hazırlamaq və Ukraynaya döyüşləri davam etdirmək imkanı vermək üçün tələsirlər.

“Ulusum”.az-ın məlumatina görə, bunu Bloomberg agentliyi mənbələrə istinadən xəbər verir.

"Avropa, ABŞ prezidenti Donald Trampın Ukrayna ilə bağlı tənqidlərindən sonra müdafiə planını hazırlamağa tələsir", — agentlik yazır.

Agentliyə məlumat verən anonim bir Avropa rəsmisi bildirib ki, Avropa "regionun təhlükəsizliyini təmin etməyə və Kiyevə dayandırıcı güc verməyə yönəlməlidir".

Bloomberg-in məlumatına görə, sülhməramlı qüvvələrin göndərilməsi məsələsi Avropa liderləri arasında fikir ayrılıqlarına səbəb olub. Müzakirələri izləyən bir rəsmi isə qeyd edib ki, "hələ bu məsələ ilə bağlı ümumi razılığa gəlmək çox erkəndir".

Səidə