Putindən Pasxa atəşkəsi – Rusiya döyüşləri dayandırır

Rusiya Prezidenti Vladimir Putin pasxa bayramı ilə əlaqədar atəşkəs elan edilməsi barədə göstəriş verib.

Bu barədə Kremlin məlumatında bildirilir.

Atəşkəs bu gün, 19 aprel saat 18:00-da qüvvəyə minəcək və 21 aprel gecə yarısına – saat 00:00-a qədər davam edəcək.

Kreml iclasında Silahlı Qüvvələrin Baş Qərargah rəisi Valeri Gerasimov cəbhə xəttindəki vəziyyətlə bağlı Putinə məruzə edib. İclasın yekununda 19 aprel saat 18:00-dan 21 aprel 00:00-a qədər bütün döyüş əməliyyatlarının dayandırılması qərara alınıb.

Putin həmçinin Ukraynanı bu təşəbbüsə qoşulmağa və pasxa bayramı dövründə atəşkəs rejiminə riayət etməyə çağırıb. Eyni zamanda, o qeyd edib ki, Rusiya ordusu qarşı tərəfdən mümkün pozuntulara qarşı döyüş hazırlığını qoruyub saxlamalıdır.

"Atəşkəsin gedişatı Kiyev rejiminin sülhə nə dərəcədə hazır olduğunu göstərəcək," – deyə Rusiya Prezidenti vurğulayıb.