Rövşən Əsgərov Rusiyaya borclanıb

Jurnalist və keçmiş "Nə? Harada? Nə zaman?" oyunçusu Rövşən Əskərovun Rusiya Federasiyasında 130 min rubl (təxminən 2500 manat) borcu var.

“Ulusum”.az-ın Gazeta.ru-ya istinadən verdiyi məlumata görə, bunu məhkəmə işlərinin sənədləri göstərir.

Məhkəmə sənədlərinə əsasən, onunla bağlı üç icra işi açılıb, sonuncusu 2025-ci ilin fevral ayında başlanıb.

Əvvəllər Savelyevski rayon məhkəməsi Əskərov üzərində üç dəfə cərimə tətbiq edib.

"İqra-TV" televiziya kanalının mətbuat xidmətinin rəhbəri Viktoriya Selivanova isə məlumat agentliyinə bildirib ki, Əskərov artıq oyunda iştirak etmir və Rusiyanın ərazisini tərk edib.

Səidə