Lahıcda Keçmişlə Gələcəyin Görüş Yeri – Xüsusi Ev Muzeyləri - VİDEO

Lahıcda insanlar sadə həyətlərini böyük zövqlə və zəhmətlə bəzəyərək onları adeta açıq səma altında muzeyə çeviriblər.



Bu məkanlarda antik əşyalar, qədim məişət alətləri, köhnə televizor, radio və digər tarixi əşyalarla keçmiş dövrlərin ruhu yaşadılır.



Sakinlər bu təşəbbüslə həm öz mədəniyyətlərini qoruyur, həm də gələn turistlərə doğma və isti bir ab-hava bəxş edirlər. Belə həyətlər artıq təkcə istirahət üçün deyil, həm də öyrədici və ilhamlandırıcı məkanlara çevrilib.



Keçmişlə indiki zaman arasında bir körpü rolunu oynayan bu xüsusi ev muzeyləri, həm qədim Lahıcın ruhunu yaşadır, həm də gələn qonaqlara unikal təcrübə təqdim edir. Gənc nəsil üçün isə bu yerlər tarixlə tanış olmaq, köklərə bağlanmaq üçün canlı dərs kimidir.



Lahıcda hər daşın, hər əşyanın bir hekayəsi var – bu hekayələr indi evlərin həyətlərində səssizcə danışır.





Ulusum.az / K.Hətəmova