Türkiyənin irimiqyaslı əməliyyatları İŞİD-i zəiflədə biləcəkmi?

Türkiyə hüquq-mühafizə orqanları “İŞİD” terror qruplaşmasının tərəfdarlarına qarşı genişmiqyaslı əməliyyat keçirib. Əməliyyatlar Ankaradan tutmuş İstanbula qədər ölkənin 38 vilayətini əhatə edib. Nəticədə 161 nəfər saxlanılıb.

Daxili işlər naziri Ali Yerlikaya bildirib ki, saxlanılan şəxslər terrorçulara maliyyə dəstəyi göstərməkdə şübhəli bilinir. Axtarışlar zamanı qanunsuz silahlar, eləcə də təşkilatın fəaliyyətinə aid çoxlu sənəd və rəqəmsal materiallar ələ keçirilib.

Nazirin sözlərinə görə, əməliyyatlar ötən həftə icra olunub və məqsəd Türkiyə ərazisində terrorçu fəaliyyətlərin qarşısını almaqdır.

Ulusum.az