Livanın televiziya kanallarına kiberhücumlar edilib

Bu gün Livanın “Əl-Məyadin” telekanlı ənın saytına və “Telegram” kanalına kiberhücum həyata keçirilib. Habelə, “Əl-Əxbar” saytı da kiberhücuma məruz qalıb.

Məlumata görə, İsrailin “Red Evils” haker qrupu Livanın “Əl-Məyadin” və “Əl-Əxbar” kanallarına edilən hücumlara görə məsuliyyəti öz üzərinə götürüb.

Haker qrupu “Telegram” kanalına paylaşım edərək yazıb: "Biz onların vebsaytlarını bağladıq və “Telegram” kanallarını müvəqqəti ələ keçirdik, kanallar müvafiq tərəflərə təhvil veriləcək".

Qrup habelə İran xəbər saytlarının da kiberhücumların növbəti hədəfi olacağını vurğulayıb.

Eltun Məmmədov