İran ABŞ-də prezident seçkilərinə qarşı haker hücumlarına davam edir

İran ABŞ-də prezident seçkilərinə qarşı haker hücumlarına davam edir.

“The New York Times” xəbər verir ki, İran hökumətinə bağlı hakerlər saxta internet saytları vasitəsilə və geniş miqyasda haker hücumları ilə ABŞ demokratiyasını gözdən salmağa çalışır. Eyni zamanda, haker qrupları seçkilərin nəticələrini Donald Trampın zərərinə dəyişmək üçün səylərini gücləndiriblər.

Məlumata görə, prezident seçkiləri ilə bağlı yalan məlumatlar paylaşan haker qrupunun əsas kampaniyası Amerikada qurulan və Tehrandan göstərişlər alan internet saytları ilə həyata keçirilir.

Qəzet Tehran tərəfindən idarə edilən “Savannah Times”, “The New Thinker” və “Westland Sun” kimi saytların adlarını ifşa edib.

Eltun Məmmədov