Kompüteriniz niyə donur? Səbəb kosmosdan gələn hissəciklər ola bilər?

Əgər kompüteriniz sönür və ya donursa, buna kosmosdan gələn kosmik şüalar səbəb ola bilər. Günəşdən, ulduzlardan və qalaktikalardan gələn bu yüksək enerjili hissəciklər planetimizin atmosferinə nüfuz edə, elektron cihazlara çata və nasazlıqlara səbəb ola bilər.

Ulusum.az xəbər verir ki, alimlər bu fenomeni "yumşaq səhv" adlandırırlar. Yumşaq səhvlər qalıcı ziyana səbəb olmur və adətən kompüterinizi söndürüb yandırmaqla problemi həll edə bilərsiniz. Ancaq bəzi hallarda kosmik şüalar daha ciddi zərər verə bilər.

Mütəxəssislər kosmik şüaların gələcəkdə daha böyük problemlər yarada biləcəyini proqnozlaşdırırlar. Xüsusilə təyyarələrdəki kompüter sistemləri bu şüalara qarşı daha böyük risk daşıyır.

Bəs, özümüzü kosmik şüalardan qorumaq üçün nə edə bilərik? Təəssüf ki, evlərimizdə və ya iş yerlərimizdə özümüzü bu şüalardan qorumağın heç bir yolu yoxdur.

Bununla belə, kompüterinizin qəfil sğnməsi və ya donması halında kosmik şüaların olma ehtimalını da nəzərdən keçirə bilərsiniz.

Cəlal Mir