Məşhur cütlük ilk dəfə eyni layihədə! İddialı serialda yer alacaqlar

Disney Plus-un yeni layihəsi olan "Səkkizinci Ailə" serialı iddialı aktyor heyəti və maraqlı süjet xətti ilə tamaşaçıların qarşısına çıxmağa hazırlaşır. Baş rollarda Melisa Döngel və Haluk Bilginer yer alır. Serialda həmçinin Hazal Kaya və Ali Atay da birgə rol alacaq. Dünyanın ən varlı səkkizinci ailəsi sayılan Basmacıgil ailəsinin daxili mübarizələrini tragikomik şəkildə təqdim edəcək serialın çəkilişləri artıq yekunlaşıb.



Haluk Bilginer və Melisa Döngel ekran qarşısında evli cütlük obrazında çıxış edəcəklər. Aktyor heyətinə tanınmış sənətçi Çağlar Çorumlu da daxildir. "Səkkizinci Ailə" serialı Ali Atay ilə Hazal Kaya-nın ilk dəfə eyni layihədə iştirakı ilə də diqqət çəkir.



Ali Atay daha əvvəl jurnalist Birsen Altuntaşın YouTube kanalına verdiyi müsahibədə zarafatla demişdi: “Birlikdə işləyə bilərikmi, bilmirəm. Onun baxışı başqa, mənimki başqa... Ya əla bir iş ortaya çıxararıq, ya da qanlı-bıçaqlı olarıq.”

Ulusum.az