Mehmet Aslantuğ ekranlara geri dönür – "Qadağan olunmuş bir eşq hekayəsi ilə"

Usta aktyor Mehmet Aslantuğ rəqəmsal platforma olan Disney Plus üçün hazırlanan “Aşk” adlı iddialı serialla ekranlara qayıtmağa hazırlaşır. Ay Yapım imzası daşıyan layihədə o, gözəl aktrisa Birce Akalayla baş rolu paylaşacaq.

Yeni ekran cütlüyü: Mehmet Aslantuğ və Birce Akalay



Hazırlıq işləri davam edən və Banu Kiremitçi Bozkurt tərəfindən qələmə alınan serialın rejissoru Burak Müjdeci olacaq. Daha əvvəl layihəyə Birce Akalayla razılaşan prodüserlər, indi də Türk kino və televiziya sənayesinin dəyərli simalarından olan Mehmet Aslantuğla prinsipial razılıq əldə ediblər. O, serialda Yalçın adlı xarizmatik və nüfuzlu bir obrazı canlandıracaq. Serialın digər aktyor heyəti ilə bağlı seçim prosesi isə hələ də davam edir.

Qadağan olunmuş bir eşq hekayəsi...

Serialın mövzusu xüsusilə maraq doğurur – burada qadağan olunmuş sevgi xətti işlənəcək. Birce Akalayın canlandıracağı Aylin, tanınmış geyim markasının sahibi olan Yalçınla evlidir və lüks bir həyat yaşayır. Gənc yaşlarında etdiyi ilk evliliyindən Şirin, Yalçınla evliliyindən isə Pelin adlı iki qızı var. Lakin Aylinin həyatı Madridə etdiyi bir iş səfəri zamanı təsadüfən tanış olduğu Karan adlı bir kişi ilə tanışlıqdan sonra tamamilə alt-üst olacaq...

Yeni serial sevgi, ehtiras və daxili ziddiyyətlərlə dolu dramatik bir hekayə vəd edir.

Ulusum.az