Bakıda qaz borusu partladı - Yanğın baş verdi - FOTO

Çobanzadə küçəsində avtomobil qaz borusuna çırpıldı – alovlanma baş verdi. Bakının Nizami rayonunda yol-nəqliyyat hadisəsi nəticəsində qaz sızması və alovlanma baş verib.

Ulusum.az xəbər verir ki, hadisə Neftçilər prospekti ilə Çobanzadə küçəsinin kəsişməsində, “Real” şadlıq sarayının yaxınlığında qeydə alınıb.

İlkin məlumata görə, minik avtomobili yol kənarındakı qaz borusuna çırpılıb. Zərbənin təsirindən boru zədələnib, sızma başlayıb və qaz alovlanıb.

Əraziyə dərhal FHN-in yanğınsöndürən briqadaları cəlb olunub. Alov qısa müddətdə söndürülüb, ərazi nəzarətə götürülüb.

Hazırda hadisə ilə bağlı araşdırma aparılır.

Ulusum.az