İran XİN: “Avropa dərhal səhvini düzəltməlidir”

Dünən İranın xarici işlər naziri Abbas Əraqçı Tehranın Rusiyaya ballistik raketlər göndərməsini yenidən təkzib edib və Avropa İttifaqına səslənib:
“Bu yaxınlarda Avropa İttifaqı aviaşirkətlərimizin Avropaya girişini qadağan etməklə iranlı və digər sərnişinləri hədəfə alıb. Bu, İranın Ukraynada istifadə etmək üçün Rusiyaya ballistik raketlər təhvil verməsi barədə yalan və əsassız iddia əsasında edilib. Aİ İranın hava yollarına sanksiya tətbiq etməsində səhvini düzəltməlidir”.

Əraqçının sözlərinə görə, Ukrayna prezidenti Vladimir Zelenskinin özü də açıq şəkildə deyir ki, İran raketləri Rusiyaya çatdırılmayıb. İran XİN rəhbəri qeyd edib ki, “əsassız ittiham əsasında İranın sadə xalqını hədəfə almaq qeyri-etik hərəkətdir və dərhal aradan qaldırılmalı olan aşkar səhvdir”.


Eltun Məmmədov