NATO Budapeştin Moskva və Pekin ilə münasibətləri qurmaqda davam etməsindən narahatdır

NATO Budapeştin alyansda qəbul edilən yanaşmalara zidd olaraq Moskva və Pekin ilə münasibətləri qurmaqda davam etməsindən narahatdır. Bu barədə Politico nəşri yazıb.

Qəzet yazır ki, Budapeştlə alyans arasındakı fikir ayrılığı bir gün əvvəl Macarıstan rəsmilərinin NATO-nun bütün səfirləri və hərbi müşavirlərinin görüşünə gəlməməsi ilə daha da dərinləşib. Tədbirin məqsədi Macarıstanın “Rusiya və Çinlə əlaqələri təşviq etmək” siyasətini müzakirə etmək idi.

Jurnalistlərin sözlərinə görə, Macarıstan Rusiya ilə "flört" etməyə davam etdiyi üçün NATO müttəfiqlərinin Budapeştə qarşı məyusluğu qaynama nöqtəsinə çatır.

Eltun Məmmədov