Viktor Orban: Tramp Ukraynaya "sülh" gətirmək üçün inauqurasiyanı gözləməyəcək

Macarıstanın baş naziri keçmiş ABŞ prezidentinin noyabrda mümkün qələbəsini "bir neçə şüşə şampan" ilə qeyd edəcəyini bildirib.

Orban iddia edir ki, Donald Tramp yenidən ABŞ prezidenti seçilərsə, Ukraynada müharibəyə son qoymaq üçün hərəkətə keçmək üçün inauqurasiyasını belə gözləməyəcək.

Tramp “dərhal hərəkətə keçəcək, ona görə də biz Avropa liderləri vaxt itirməməliyik, çünki adətən olduğu kimi seçkilərlə yeni prezidentin andiçmə mərasimi arasında iki və ya üç ay olmayacaq. Biz ilk növbədə intellektual, fəlsəfi, sonra strateji, daha sonra isə mümkün qədər tez fəaliyyət səviyyəsində cavab verməliyik”.
— Politico Macarıstanın baş nazirinin sözlərindən sitat gətirir.

Eltun Məmmədov