ABŞ-ın Ermənistandakı səfirliyi İrəvandakı etirazlara münasibət bildirib - VİDEO

ABŞ-ın Ermənistandakı səfirliyi İrəvanda davam edən etiraz aksiyalarını yaxından izləyir.

Bu açıqlama səfirliyin ötən gün aksiyaçılarla polis arasında baş verən qarşıdurma ilə bağlı yaydığı bəyanatda yer alıb.

“Biz etirazçıları zorakılıqdan uzaq duraraq, məsuliyyətli şəkildə sərbəst toplaşmaq hüququndan istifadə etməyə səsləyirik. Siyasi fikir ayrılıqlarının həlli demokratik yollarla təmin edilir.

Hüquq-mühafizə orqanlarını isə vətəndaşların söz və sərbəst toplaşmaq hüququnu qorumaqla ictimai asayişi təmin etməyə və nümayişləri işıqlandıran jurnalistlərlə bağlı prosedurlar daxil olmaqla, mümkün pozuntuları araşdırmağa çağırırıq”, - deyə bəyanatda bildirilib.

Xatırladaq ki, ötən gün Ermənistanda keşiş Baqratın rəhbərlik etdiyi aksiyaçılarla polis arasında parlament binası yaxınlığında qarşıdurma yaşanıb. Qarşıdurma zamanı polis səs və tüstü bombalarından istifadə edib. Nəticədə 17 polis əməkdaşı və 98 aksiyaçı yaralanıb. Yaralananlar arasında jurnalistlər də var.


Eltun Məmmədov