Cinsi Yolla Keçən Təhlükəli İnfeksiyalar

Zöhrəvi Xəstəliklər: Cinsi Yolla Keçən Təhlükəli İnfeksiyalar

Dermatoloq Rəşad İsayev Ulusum.az-a açıqlamasında bildirir ki, zöhrəvi xəstəliklər əsasən vaginal, anal və oral cinsi əlaqə vasitəsilə yayılır. Bəzən heç bir simptom vermədən keçsə də, yoluxmuş şəxsdən başqalarına ötürülə bilər.

Ən çox rast gəlinən simptomlar:
🔸 Vaginal və ya penil axıntı
🔸 Genital nahiyədə ağrılı xoralar və yaralar
🔸 Cinsi orqanlarda səpgilər
🔸 Çanaq və qarınaltı ağrılar

Müalicə olunmadıqda bu xəstəliklər sonsuzluq, xroniki ağrılar, hətta ümumi sağlamlıq pozuntuları ilə nəticələnə bilər. Buna görə də erkən diaqnoz və qorunma tədbirləri vacibdir.

Zöhrəvi Xəstəliklərin Növləri və Sifilis Haqqında Vacib Məlumat
Zöhrəvi infeksiyalar bakterial, viral və parazitar olur. Sifilis isə vaxtında müalicə edilməzsə, ciddi fəsadlara yol aça bilər.

Zöhrəvi xəstəliklər 3 əsas qrupa ayrılır:
🔹 Bakterial: Xlamidiya, Gonoreya, Sifilis
🔹 Viral: Genital herpes, HIV/AIDS, Genital ziyillər
🔹 Parazitar: Trichomoniasis


📌 Sifilis Xəstəliyinin Mərhələləri – Dermatoloq Rəşad İsayev izah edir:
- Sifilis 4 mərhələdən ibarətdir: Birincili, İkincili, Gizli və Gec (üçüncü) mərhələ
- İnsanlar xüsusilə birinci və ikinci mərhələdə yoluxucu sayılır
- Birincili sifilis – Cinsi təmasdan 2-12 həftə sonra ortaya çıxır

Ulusum.az / R.İkramlı