Qəhvənin ən təsirli vaxtı — oyanandan sonra?...

Alman alimləri Scientific Reports portalında dərc olunan məqalədə bildirirlər ki, kofein tərkibli içkilərin, məsələn, çay və qəhvənin qəbul edilməsi üçün ən optimal zaman oyanandan sonraki ilk 2,5 saatdır. Bu müddət ərzində qəbul edilən kofein emosional vəziyyətə ən müsbət təsir göstərir.

Tədqiqatda 230-dan çox gənc iştirak edib. Bir neçə həftə ərzində iştirakçılar mobil tətbiqdə son 90 dəqiqə ərzində kofeinli içki qəbulunu və öz emosional halını qeyd ediblər. Qəhvə və ya çayın qəbul edilməsi sevinc və coşğu səviyyəsini artırıb, xüsusilə səhər saatlarında yuxudan sonra. Mənfi emosiyalara təsir isə daha az müşahidə olunub.

Əlavə müşahidələr göstərib ki, kofeinin canlandırıcı təsiri yorğun şəxslərdə daha güclüdür və başqalarının yanında qəbul ediləndə daha az hiss olunur. Maraqlıdır ki, narahatlıq və ya depressiyaya meylin bu nəticələrə əhəmiyyətli təsiri olmayıb.

Ulusum.az