Yeni Covid pandemiyası qapıdadır

Türkiye qəzetində yer alan xəbərə görə, dünyanı iki il evə qapadan və təxminən 7 milyon insanın ölümünə səbəb olan Covid-19-la bağlı qorxulu bir inkişaf baş verib.

Yarasalarda müşahidə olunan yeni bir koronavirus laboratoriya təcrübələrində insan hüceyrələrinə yapışma potensialı göstərib. Mütəxəssislər xəbərdarlıq edirlər ki, bir sıra mutasiyalardan keçən bu virusda daha bir mutasiya baş verərsə, dünya yeni bir pandemiyanın astanasına gələ bilər.

Amerikalı tədqiqatçılar bildirirlər ki, yeni “HKU5-CoV-2” virusunun insanlarda infeksiyaya və epidemiya səviyyəsində yayılmağa səbəb olması üçün cəmi “kiçik bir mutasiya” kifayətdir. Narahatlıq doğuran digər bir məqam isə bu patogenin genetik baxımdan çox ölümcül olan MERS virusuna çox yaxın olmasıdır. Xatırladaq ki, MERS virusuna yoluxan şəxslərin üçdə biri həyatını itirmişdi.

Müzakirələri alovlandıran başqa bir detal isə HKU5 virusunun ilk dəfə, Covid-19-un da başlanğıc nöqtəsi olduğu iddia edilən Çindəki bir laboratoriyada sənədləşdirilmiş olmasıdır.

Ulusum.az