Yorğunluq, Depressiya, Nitq Problemi – Mikroinsultmu Keçirirsiniz?

Həkim Boris Madrau bildirib ki, mikroinsultu yeddi əlamətə əsasən müəyyən etmək olar. Bu barədə o, Infobae nəşrinə verdiyi müsahibədə danışıb.

Madrau qeyd edib ki, mikroinsult zamanı insanda düşünmə problemləri yarana bilər. Bu vəziyyət həmçinin depressiya və təşviş hissi ilə də müşahidə oluna bilər. Güclü yorğunluq da mikroinsultun əlamətlərindən biridir.

Həkimin sözlərinə görə, mikroinsultun daha açıq-aşkar simptomları da mövcuddur. O, misal olaraq ətraflarda zəiflik, nitq pozğunluğu və mimika problemlərini göstərib. Sonda ekspert vurğulayıb ki, adi insultdan fərqli olaraq, mikroinsult çox vaxt öz-özünə keçir və beyin toxumasında geri dönüşü olmayan zədələnməyə səbəb olmur. Buna baxmayaraq, tibbi yardıma müraciət etmək mütləqdir.

Ulusum.az