Şəkəri Unudun, Aralıq Dənizi Pəhrizinə Keçin

Kardioloq İrina Vasilyeva ürək sağlamlığını qorumaq üçün dörd əsas qidalanma qaydasına riayət etməyin vacibliyini bildirib. Bu barədə o, öz Telegram kanalında məlumat verib.

Vasilyevanın sözlərinə görə, tam qida qruplarını qidalanmadan çıxarmaq və çox çətin qaydalar icad etmək lazım deyil. Həkim bildirib ki, yeməklərin hazırlanması sadə olmalı, nadir inqrediyentlərdən istifadə edilməməlidir. Onun fikrincə, rasionda meyvə, tərəvəz, tam taxıllı və paxlalı məhsullara üstünlük verilməlidir. Əvəzində isə əlavə olunmuş şəkər və yüksək dərəcədə emal olunmuş qidalardan imtina edilməlidir. Sonda Vasilyeva vurğulayıb ki, ürək və ümumi sağlamlıq üçün ideal pəhriz Aralıq dənizi pəhrizidir.

Ulusum.az