Çörəyinizdə “Kartof xəstəliyi” təhlükəsi varmı?

Əgər çörək rütubətli şəraitdə saxlanılarsa, o, “kartof xəstəliyinə” yoluxa bilər. Bu xəstəlik, əsasən, bakterial infeksiya nəticəsində yaranır və çörəyin içinin yapışqan, boz rəngli və xoşagəlməz iyli hala düşməsi ilə müşayiət olunur.

Kartof xəstəliyinin əsas səbəbkarı — Bacillus subtilis və Bacillus mesentericus kimi bakteriyalardır. Bu mikroorqanizmlər çörək bişdikdən sonra çirklənmiş səthlərlə təmas zamanı və ya düzgün soyudulmadan qablaşdırıldıqda çörəyə keçə bilir. Onlar rütubətli və isti şəraitdə sürətlə çoxalaraq məhsulu yararsız hala salırlar.

Nə etmək lazımdır?

Çörəyi quru və sərin yerdə saxlayın.

Bişdikdən sonra tam soyuyana qədər qablaşdırmayın.

Plastikin əvəzinə kətan torba və ya kağız paket istifadə edin.

Əlamətləri (kif, yapışqanlıq, iy) müşahidə edirsinizsə, çörəyi dərhal istehlakdan çıxarın.

Bu xəstəlik, təkcə dadı deyil, sağlamlığı da təhdid edə bilər. Ona görə də çörəyi necə saxladığınıza diqqət yetirin.

Ulusum.az