“Smartphone Pinky” Xəbərdarlığı

Son illərdə "smartphone pinky" və ya "phone finger" kimi terminlər xüsusilə gənclər arasında populyarlaşmağa başlayıb.

Smartfonu uzun müddət kiçik barmaqla dəstəkləməkdən yaranan ağrı, əyilmə və çökəkliklə xarakterizə olunur.

Həkimlər bu halın "trigger finger" (barmaqda kilidlənmə) və ya "karpal tunel sindromu" kimi ciddi problemlərin başlanğıcı ola biləcəyini bildirirlər. Hindistan və Səudiyyə Ərəbistanında aparılan araşdırmalar da bu problemin yaygın olduğunu göstərir.

Bu fenomen həmçinin "text neck" (telefon istifadəsi nəticəsində boyun ağrısı), barmaqda kilidlənmə, uyuşma və zəiflik kimi digər pozğunluqlarla əlaqələndirilir.

Mütəxəssislər telefon istifadə edərkən hər iki əllə tutmağı, kiçik barmağa düşən yükü azaltmağı, aksesuarlar istifadə etməyi və fasilələrlə barmaqları istirahət etdirməyi tövsiyə edirlər. Sadə məşqlər də əllərin sağlam qalmasına kömək edir.

"Smartphone pinky" texnologiyadan düzgün istifadə etməyin vacibliyini bir daha xatırladır.

Ulusum.az